Simba kuitegemea Al Ahly
clabu ya Simba inatarajiwa kuondoka nchini kesho kwenda Algeria tayari kwa mchezo wao wa ligi ya mabingwa hatua ya 16 ambapo watakipiga na JS Sauora Machi 9, 2019.
Akiongea jana jijini Dar es salaam msemaji wa Simba Haji Manara amesema, watajitahidi kushinda mchezo huo kwani wanajua fika endapo watashinda na Al Ahly kuifunga AS Vita au kutoa sare basi wanafuzu robo fainali.
''Tunakwenda Algeria tukijua wazi kuwa ni mchezo mgumu lakini tunahitaji ushindi na hata kama itatokea vinginevyo basi tutakuwa na mchezo mmoja nyumbani dhidi ya AS Vita na tutapigana kufa na kupona'', amesema Manara.
Kwa upande mwingine Manara amesema mshambuliaji wa timu hiyo Emmanuel Okwi ambaye anasumbuliwa na majeruhi anaendelea vizuri na kesho atasafiri na timu kwenda Algeria.
Simba ipo kundi D ikiwa na alama 6 nyuma ya Al Ahly yenye pointi 7, ikifuatiwa na JS Saoura yenye pointi 5 na AS Vita yenye pointi 4.
0 comments:
Post a Comment